miniteka [biblioteka edonon]

arragua

data

2026(e)ko irailak 17

- 2026(e)ko irailak 25

lekua

ondarroa

nori zuzenduta

ikastetxeak

plaza

inskribatutako ikastetxeak

Zer nolako liburutegi nahi dugu eskolan? Ekimen honetan, Ondarrako eskolak liburutegi mugikor bat imajinatu eta sortzen du.

Material sinple eta askotarikoetatik abiatuta (kartoia, oihalak, sokak, hodiak, zura, papera eta birziklatutako elementuak), egitura iragankor, arin eta abegikorrak eraikiko ditugu elkarlanean. Babeslekuak, irakurketa-txokoak, ingurunea aldi baterako eraldatuko duten topaguneak.

Autoeraikuntza-prozesuari esker, ikasle guztiek espazioarekin, egonkortasunarekin, materialekin eta bizitzeko moduekin esperimentatu ahal izango dute. Egitura bat eraikitzea baino gehiago, arkitektura komunitatea sortzeko eta ezagutza partekatzeko modu berriak ikusarazteko tresna gisa pentsatzea proposatzen du tailerrak.

Esku-hartzearen ondorioz, edozein leku liburutegi ireki bihurtuko da: eremu irisgarri, malgu eta abegikorra, non irakurketa, jolasa eta irudimena batera gerta daitezkeen.

GIDATZAILEA

arragua

Arte bisualetako, kudeaketa kulturaleko, bitartekaritzako, hezkuntzako, gizarte-hezkuntzako, ikus-entzunezko, arte bizietako eta abarretako profesionalek osatutako diziplina anitzeko taldea. 2015az geroztik, sorkuntza garaikideko praktikak ikasteko, ikertzeko eta parte hartzeko tresna gisa kokatzen dituzten proiektu eta modulu pedagogikoak garatzen ditugu.

Gure lana kokatutako ezagutzaren ideian oinarritzen da, ikas-prosezuak testuingurutik, esperientziatik eta pertsonen, lurraldeen eta erakundeen artean ezartzen diren harremanetatik sortzen dela ulertuta. Esperimentazioa, pentsamendu kritikoa eta sorkuntza kolektiboa uztartzen dituzten proposamenak diseinatzen ditugu, hezkuntza-, kultura- edo gizarte-komunitate bakoitzaren beharretara egokituz.

programa

transit

“Bibliotekak ezagutza sortzeko, informazioa eta kultura trukatzeko eta herritarrek parte hartzeko gune irisgarriak dira”.

IFLA-UNESCO Manifiestoa, 2022.

transit proiektu parte-hartzailea da, eta pertsonen, kolektiboen eta erakundeen artean sortzeko, ezagutza trukatzeko eta elkarrizketarako topaguneak bultzatzen ditu. Kulturaren espazioak ulertzeko eta bizitzeko modu berriak arakatzea eta aktibatzea du helburu.

Proiektuak liburutegi publikoa hartzen du abiapuntutzat, nahitaez ezarri beharreko azpiegitura kulturala delako, eta ia udalerri guztietan dagoen sarbide libreko gune bakanetakoa delako.

Liburutegia kontsultarako edo mailegurako gune gisa baino gehiago, gune bizi gisa ulertzea proposatzen du Transit-ek, herritarren parte-hartzeari, esperimentazioari eta ezagutzaren eraikuntza kolektiboari irekia.

Proiektua hiru lan-ildoren inguruan egituratzen da:

Liburutegia kultura-erakunde publikoa dela eta gaur egungo gizartean betetzen duen eginkizunari buruz hausnartzea.

Herritarren eta liburutegiaren arteko harremana berrikustea, eta espazio horietan parte hartzeko, erabiltzeko eta haietaz jabetzeko modu berriak aztertzea.

Kultura-esperientziarako espazio berriak imajinatzea eta praktikan jartzea, ikaskuntza, sorkuntza eta trukea elkarlanean gara daitezen.

transit-ek kultura prozesu partekatu gisa ulertzen du, eta komunitateak elkartu, esperimentatu eta ezagutza modu kolektiboan eraiki ahal izateko testuinguruak sortzea proposatzen du.