miniteka [biblioteka edonon]

arragua

data

2026(e)ko irailak 13

- 2026(e)ko abenduak 15

lekua

lekeitio

nori zuzenduta

ikastetxeak | publiko orokorra | familiak | kolektiboak

izen ematea

minitekaren erreserba online formularioa erabiliz

plaza

parte hartze irekia

Lekeitioko Miniteka abian da!.

Dispositibo hau erabiliz, liburutegi mugikorrak sor daitezke Lekeitioko plaza eta espazio publikoetan. Miniteka erreserbatu eta aukeratu duzun egunean aktibatu besterik ez duzu egin behar.

Horrela, liburutegia non eta noiz agertzea nahi duzun erabaki dezakezu, edozein txoko elkar egoteko, irakurtzeko, jolasteko eta partekatzeko gune bihurtuz.

Minitekak jolasak, liburuak eta lagunartean gozatzeko pentsatutako materialak biltzen ditu. Espazio publikoa aktibatzeko, komunitatea indartzeko eta ezagutza partekatzeko modu berriak esploratzeko tresna da.

Miniteka erabiltzean, liburutegi ireki baten ideia praktikan jartzen dugu: irakurketa, jolasa eta irudimena batera gertatzen diren espazio irisgarri, malgu eta abegikor bat.

Formularioa

erreserbak 2026ko irailaren 13tik aurrera

GIDATZAILEA

arragua

Arte bisualetako, kudeaketa kulturaleko, bitartekaritzako, hezkuntzako, gizarte-hezkuntzako, ikus-entzunezko, arte bizietako eta abarretako profesionalek osatutako diziplina anitzeko taldea. 2015az geroztik, sorkuntza garaikideko praktikak ikasteko, ikertzeko eta parte hartzeko tresna gisa kokatzen dituzten proiektu eta modulu pedagogikoak garatzen ditugu.

Gure lana kokatutako ezagutzaren ideian oinarritzen da, ikas-prosezuak testuingurutik, esperientziatik eta pertsonen, lurraldeen eta erakundeen artean ezartzen diren harremanetatik sortzen dela ulertuta. Esperimentazioa, pentsamendu kritikoa eta sorkuntza kolektiboa uztartzen dituzten proposamenak diseinatzen ditugu, hezkuntza-, kultura- edo gizarte-komunitate bakoitzaren beharretara egokituz.

programa

transit

“Bibliotekak ezagutza sortzeko, informazioa eta kultura trukatzeko eta herritarrek parte hartzeko gune irisgarriak dira”.

IFLA-UNESCO Manifiestoa, 2022.

transit proiektu parte-hartzailea da, eta pertsonen, kolektiboen eta erakundeen artean sortzeko, ezagutza trukatzeko eta elkarrizketarako topaguneak bultzatzen ditu. Kulturaren espazioak ulertzeko eta bizitzeko modu berriak arakatzea eta aktibatzea du helburu.

Proiektuak liburutegi publikoa hartzen du abiapuntutzat, nahitaez ezarri beharreko azpiegitura kulturala delako, eta ia udalerri guztietan dagoen sarbide libreko gune bakanetakoa delako.

Liburutegia kontsultarako edo mailegurako gune gisa baino gehiago, gune bizi gisa ulertzea proposatzen du Transit-ek, herritarren parte-hartzeari, esperimentazioari eta ezagutzaren eraikuntza kolektiboari irekia.

Proiektua hiru lan-ildoren inguruan egituratzen da:

Liburutegia kultura-erakunde publikoa dela eta gaur egungo gizartean betetzen duen eginkizunari buruz hausnartzea.

Herritarren eta liburutegiaren arteko harremana berrikustea, eta espazio horietan parte hartzeko, erabiltzeko eta haietaz jabetzeko modu berriak aztertzea.

Kultura-esperientziarako espazio berriak imajinatzea eta praktikan jartzea, ikaskuntza, sorkuntza eta trukea elkarlanean gara daitezen.

transit-ek kultura prozesu partekatu gisa ulertzen du, eta komunitateak elkartu, esperimentatu eta ezagutza modu kolektiboan eraiki ahal izateko testuinguruak sortzea proposatzen du.