munstro bigun-bigunak

arragua

data

2026(e)ko uztailak 7

11:00-13:30

lekua

lekeitio

nori zuzenduta

publiko orokorra | 12-99 urte

izen ematea

onlineko formularioaren bitartez

plaza

mugatuak

tailerra | upcycling | biguna | sorkuntza

Munstro bigunak sortzeko tailerra. Ezagutu upcycling prozesua etxean dituzun arropa eta oihalezko jantziei bizitza berri bat emanez. Erabiltzen ez ditugun materialak izaki xarmangarri bigunetan eraldatuko ditugu.

Badakizu josten? Zatoz zure panpina munstroak sortzera eta esperimentatu formekin, koloreekin eta ehundurekin.

Josten ez dakizu? Hau da ikasteko unerik onena! Josteko oinarrizko teknikak ezagutuko dituzu, gure munstroei forma ematen diegun bitartean, urratsez urrats, giro sortzaile, erlaxatu eta dibertigarri batean.

Ez da aurretiazko esperientziarik behar, prozesua sortzeko, esperimentatzeko eta gozatzeko gogoa baino ez.

GIDATZAILEA

arragua

Arte bisualetako, kudeaketa kulturaleko, bitartekaritzako, hezkuntzako, gizarte-hezkuntzako, ikus-entzunezko, arte bizietako eta abarretako profesionalek osatutako diziplina anitzeko taldea. 2015az geroztik, sorkuntza garaikideko praktikak ikasteko, ikertzeko eta parte hartzeko tresna gisa kokatzen dituzten proiektu eta modulu pedagogikoak garatzen ditugu.

Gure lana kokatutako ezagutzaren ideian oinarritzen da, ikas-prosezuak testuingurutik, esperientziatik eta pertsonen, lurraldeen eta erakundeen artean ezartzen diren harremanetatik sortzen dela ulertuta. Esperimentazioa, pentsamendu kritikoa eta sorkuntza kolektiboa uztartzen dituzten proposamenak diseinatzen ditugu, hezkuntza-, kultura- edo gizarte-komunitate bakoitzaren beharretara egokituz.

programa

transit

“Bibliotekak ezagutza sortzeko, informazioa eta kultura trukatzeko eta herritarrek parte hartzeko gune irisgarriak dira”.

IFLA-UNESCO Manifiestoa, 2022.

transit proiektu parte-hartzailea da, eta pertsonen, kolektiboen eta erakundeen artean sortzeko, ezagutza trukatzeko eta elkarrizketarako topaguneak bultzatzen ditu. Kulturaren espazioak ulertzeko eta bizitzeko modu berriak arakatzea eta aktibatzea du helburu.

Proiektuak liburutegi publikoa hartzen du abiapuntutzat, nahitaez ezarri beharreko azpiegitura kulturala delako, eta ia udalerri guztietan dagoen sarbide libreko gune bakanetakoa delako.

Liburutegia kontsultarako edo mailegurako gune gisa baino gehiago, gune bizi gisa ulertzea proposatzen du Transit-ek, herritarren parte-hartzeari, esperimentazioari eta ezagutzaren eraikuntza kolektiboari irekia.

Proiektua hiru lan-ildoren inguruan egituratzen da:

Liburutegia kultura-erakunde publikoa dela eta gaur egungo gizartean betetzen duen eginkizunari buruz hausnartzea.

Herritarren eta liburutegiaren arteko harremana berrikustea, eta espazio horietan parte hartzeko, erabiltzeko eta haietaz jabetzeko modu berriak aztertzea.

Kultura-esperientziarako espazio berriak imajinatzea eta praktikan jartzea, ikaskuntza, sorkuntza eta trukea elkarlanean gara daitezen.

transit-ek kultura prozesu partekatu gisa ulertzen du, eta komunitateak elkartu, esperimentatu eta ezagutza modu kolektiboan eraiki ahal izateko testuinguruak sortzea proposatzen du.