optika [argiarekin jolastu]

arragua

data

2026(e)ko irailak 16

- 2027(e)ko maiatzak 27

lekua

lekeitio

nori zuzenduta

irakaslegoa | ikastetxeak

izen ematea

2027-28 kurtsorako | izen ematea 2027ko apiriletik ekainerarte

plaza

inskribatutako ikastetxeak

Monografiko honetan argiaren fenomenoa aztertuko dugu esperimentu fisikoak, argazki-teknikak, ikus-jokoak eta gailu optikoak eraikiz. Ezagutza zientifikora zein argiaren sormen-aukeretara hurbilduko gara, islapena, errefrakzioa, itzalak, kolorea edo ilusio optikoak bezalako fenomenoak aurkituz.

Argi-instalazioekin eta arte optikoarekin zerikusia duten artisten lana hartuko dugu erreferentziatzat, eta hainbat ikuspegitatik behatzeko, ikertzeko eta argiarekin jolasteko makinak eta asmamenak jarriko ditugu martxan.

Zehaztasun zientifikoak, esperientzia artistikoek eta ikaskuntza-prozesu ororen berezko esperimentazioak lagunduta, jakin-mina aurkikuntza-tresna bihurtuko dugu.

Formularioa

heziketa begirakunea

2027-28 ikasturterako programari buruzko informazioa jaso nahi duten ikastetxeak

"*" indicates required fields

zer interesatzen zaizu?*
arragua

dinamizatzailea

arragua

Arte bisualetako, kudeaketa kulturaleko, bitartekaritzako, hezkuntzako, gizarte-hezkuntzako, ikus-entzunezko, arte bizietako eta abarretako profesionalek osatutako diziplina anitzeko taldea. 2015az geroztik, sorkuntza garaikideko praktikak ikasteko, ikertzeko eta parte hartzeko tresna gisa kokatzen dituzten proiektu eta modulu pedagogikoak garatzen ditugu.

Gure lana kokatutako ezagutzaren ideian oinarritzen da, ikas-prosezuak testuingurutik, esperientziatik eta pertsonen, lurraldeen eta erakundeen artean ezartzen diren harremanetatik sortzen dela ulertuta. Esperimentazioa, pentsamendu kritikoa eta sorkuntza kolektiboa uztartzen dituzten proposamenak diseinatzen ditugu, hezkuntza-, kultura- edo gizarte-komunitate bakoitzaren beharretara egokituz.

programa

heziketa begirakunea

Lehen eta bigarren hezkuntzako irakasleei zuzendutako programa pedagogikoa. Bere garapen kontzeptuala sorkuntza garaikideko praktiken eta eskolaren arteko topagunean kokatzen da, esperientzia eta ezagutza transmititzeko toki gisa ulertuta.

Programa hau proiektu parte-hartzaile gisa planteatzen da. Formakuntza esperimentazio pedagogikoko laborategi gisa garatzen da. Bertan, metodologiak eta proposamen sortzaileak aurkezten dira, ondoren irakasleek ikastetxe, gela eta hezkuntza-mailen beharretara egokitzen dituztenak. Horrela, esperientzia bakoitzak ikaskuntza-prozesu berriak sortzen ditu eta eskola-artxibo ireki bat eraikitzen laguntzen du.

Proposamena hezkuntza-berrikuntzaren eta STEAM metodologien esparruetan kokatzen da, eta DIY (Do It Yourself) eta DIWO (Do It With Others) kulturen printzipioak ere barneratzen ditu, esperimentazioaren, lankidetzaren eta sorkuntza partekatuaren bidez ikaskuntza sustatzen dutenak.

Programa osatzen duten monografikoek diziplinarteko ikuspegia errazten dute, eta, horri esker, loturak ezar daitezke ezagutza-arlo desberdinen artean — zientzia, fisika, kimika, historia, hizkuntzak, teknologia, arteak eta kultura bisuala —, sortze-prozesuetatik abiatuta. Era berean, edukiak osorik ingelesez gara daitezke, programa elebidunak edo Science edo Arts in English irakasgaiak dituzten ikastetxeetan ezartzea erraztuz.

Programa honi buruzko informazio gehiago jaso nahi baduzu, jarri gurekin harremanetan formulario honen bidez.