orain / lea.tronik

KLIXKA 01 esperimentazio gunea /


data: 2023ko urriaren 21a

Ordua:
larunbata: 12:00-14:00 / 17:00-19:00


Lekua: Eskolape aretoa/ Lekeitio

Nori zuzenduta: Publiko orori zuzenduta eta familiei zuzenduta. gutxieneko adina 4 urte (4-11 urte tarteko haurrak heldu batez lagunduta etorri behar dira).

ez da beharrezko izena ematea


Arraguatik multimedia-alfabetizazioaren prozesua indartzearen garrantzia azpimarratu nahi da, gizarte informatizatuetara pixkanaka egokitzeko, lan egiten dugun eremuetatik: sorkuntza garaikideko praktikak eta hezkuntza.

Horretarako, klixka programa abian jarri dugu 2022an eremu pedagogiko ezberdinetan garatzen dena.

klixka, orduan, 2023an Zinebilerako zoom programaren barruan garatuko da, Lekeitioko gazteen artean ikus-entzunezko praktika eta esperientzia zabaltzeko eta elikatzeko asmoz.

Aurten Azkue Ikastolako DBH3ko ikasleek eta Iturriotz Institutoko Batxiller 2ko ikasleek parte-hartu dute.

Artista gonbidatuak Zaloa Ipiña, Iñaki Rifaterra eta Peru Galbete izan dira.

klixka programa pedagogikoan garatu diren ikusentzunezko artxiboak erabiliz espazio esperimental bat diseinatuko dugu. Esan daiteke tailerretan garatutako esperientzia biltzen duen ekimena dela, non tailerretako parte-hartzaileek zein herritar guztiek esperimentatu eta jolastu ahal izango duten.