espazio espezieak

Espazio-espezieak esperimentazio-modulu bat da, Georges Perec-en Espèces d ‘espaces lanean inspiratua. Obra horrek jakin-minetik, poesiatik eta jolasetik begiratzen dio eguneroko espazioari.

Munduari begiratzeko duen modua erreferentziatzat hartuta, bizi garen espazioak esploratzera gonbidatzen gaitu moduluak, formaren, geometriaren, eskalaren, materialen, eraikuntza-sistemen eta erabilera-modu desberdinen bidez.

Eraikuntza-, entsegu- eta esperimentazio-prozesuen bidez, ingurunea behatzea, irudikatzea eta eraldatzea ahalbidetzen duten egoerak sortzen dira.

Objektuak diseinatu baino gehiago, espazio-espezieak proposatzen du espazioa beste modu batera begiratzen ikastea, sorkuntzarako, ikerketarako eta esperientzia partekaturako leku gisa ulertuta.