memoria · materia · mugimendua

haz laboratorio

2026(e)ko irailak 25

11:00-13:30

Lekeitio

16- 18 urte

Mendieta Ontziolako argazki-artxibotik abiatuta, hainbat teknika aztertuko ditugu haren memoria berrinterpretatzeko eta ikusizko narratiba berrietan eraldatzeko.

Argazkia materia bizitzat hartuko dugu, artxiboko irudiak inguruneko elementuekin elkarrizketan jarriz: itsasoa, landaredia, materialak eta denboraren joana.

Argazkigintza analogikoa, zuzeneko kontaktu bidez

Artxibotik ateratako negatibo digitaletatik abiatuta, zuri-beltzeko irudi berriak sortuko ditugu zuzeneko kontaktu-prozesuen bidez. Itsasoaren kimika argazki-prozesuan txertatuko da, irudiak errebelatuz eta lurraldeari berari irudiak belatzen utziz, haien eraldaketan parte har dezan.

Ehun gaineko zianotipia

XIX. mendeko prozesu fotografiko hau berreskuratuko dugu ehun gaineko zianotipiarekin esperimentatzeko, Prusiako urdin bereizgarria duten irudiak sortuz.

Inguruko landaredia tresna eta materia fotografiko bihurtuko da, bere arrastoak ehunean utziz eta forma, gardentasun eta aztarna naturaletatik abiatutako konposizio berriak sortuz.

Memoria materiaren bidez aktibatzeko tailerra, non iraganeko irudiak egungo paisaiarekin elkartuko diren, Mendieta Ontziola begiratzeko eta gogoratzeko modu berriak sortzeko.

Lekeitioko Udalak utzitako artxiboko irudiak.

haz laboratorio

gidatzailea

haz laboratorio

Argazkigintzan, zineman eta material fotosentikorretan espezializatutako laborategia. Argazki- eta zinema-ondarearen berreskurapenean, sorkuntzan eta kontserbazioan dihardute. Esperientzia berrien katalizatzaile gisa, artea eta sormena tresna eraldatzaile eta gizarte-aktibismorako baliabide gisa erabiltzen dituzte.

programa

klixka

“Tarteka pentsatzen eta ikusten dugu, mugimenduan dagoen irudia bezala. Begiak kliskatzea da ikusmenari aurre egiteko dugun modu naturala.” M. Azparren

Ikusmenaren ezaugarri nagusia aldizkakotasuna da, hutsuneek, etenek eta itzalguneek zeharkatzen duten errealitatearen pertzepzioa. Horrela ulertuta, zinemak harreman fisiko bat ezartzen du geure begiradarekin: ikusteak beti dakar aukeratzea, gogoratzea, osatzea eta berreraikitzea.

Programa honek irudiaren zatikatze hori zinema esperimentalaren eta sorkuntza garaikidearen praktiketatik aztertzea proposatzen du. Helburua ikus-entzunezko eta multimediako alfabetizazioari balioa ematea da, gizarte informatizatuak ulertzeko eta bizitzeko ezinbesteko tresna kritiko gisa, ikerketa-, sorkuntza- eta hezkuntza-prozesuak integratuz.

Saio praktikoen bidez, programak artxiboaren kontzeptuari buruz hausnartzera gonbidatzen du, baita gizarteak informazioaren eta komunikazioaren inguruan nola antolatzen, zaintzen eta sortzen duen ezagutzari buruz hausnartzera ere.