mundos infinitos

Murgil zaitez irudimenezko munduetan, esploratu beste unibertso batzuk eta ezagutu izaki harrigarriak esperientzia ikus-entzunezko murgiltzaile honetan.

Igloo bat, 360º-ko proiekzioak eta irudimen handia dira mundu ezezagunen aniztasunean barrena bidaia zoragarri honi ekiteko beharrezko osagaiak. Izaki harrigarriek eta unibertso infinituek aukera berriz betetako munduak sortuko dituzte.

Mundu infinituak proposamenak cut-out animazioko tailerra eta ikus-entzunezko ikuskizun murgiltzailea uztartzen ditu. Bertan, Lekeitioko Herri Eskolako 4. mailako ikasleak izango dira benetako protagonistak.

Tailerrean, haurrek beren izaki fantastikoak eta mugimenduan dauden pertsonaiak sortuko dituzte, cut-out animazio-teknika erabiliz. Ondoren, haien sorkuntzak ikuskizunaren proiekzioen parte izango dira, eta ikus-entzunezko unibertso partekatu batean txertatuko dira.

Horrela, ikasleek ez dute soilik sorkuntza-prozesuan parte hartuko; azken piezaren egilekide ere bihurtuko dira, eta beren lanaren emaitza familiekin eta publiko orokorrarekin partekatuko dute.

Elkarrekin irudikatu, sortu eta beste mundu batzuetara bidaiatzeko esperientzia, non haurren begirada eta sormena irudi, mugimendu eta argi bihurtzen diren.